ഇന്ത്യന്‍ വികാരം വ്രണപ്പെടുത്തിയെന്ന ആരോപണം ഉയര്‍ന്നതിനെത്തുടര്‍ന്ന് കാളിദേവിയുടെ ചിത്രം ട്വിറ്ററില്‍ നിന്ന് പിന്‍വലിച്ച് യുക്രെയ്ന്‍ പ്രതിരോധ മന്ത്രാലയം.
കറുത്ത മേഘങ്ങള്‍ക്കിടയില്‍ മണ്‍മറഞ്ഞ ഹോളിവുഡ് താരം മെര്‍ലിന്‍ മണ്‍റോയുടെ രൂപത്തിലാണ് കാളിദേവിയെ ചിത്രീകരിച്ചത്.
‘ഡിഫന്‍സ് യു’ എന്ന ട്വിറ്റര്‍ ഹാന്‍ഡിലില്‍ ‘വര്‍ക്ക് ഓഫ് ആര്‍ട്’ എന്ന തലക്കെട്ടോടെയാണ് ചിത്രം പോസ്റ്റ് ചെയ്തത്.
യുക്രെയ്ന്‍ പ്രതിരോധ മന്ത്രാലയ മേധാവികള്‍ വിവേക ശൂന്യരാണെന്നും, കാളിദേവിയുടെ ചിത്രം നീക്കണമെന്നും ആവശ്യപ്പെട്ട് ട്വിറ്ററില്‍ വന്‍ പ്രതിഷേധം ഉയര്‍ന്നിരുന്നു.
ചിലര്‍ വിദേശകാര്യമന്ത്രി എസ്. ജയശങ്കറിന്റെ ഇടപെടല്‍ തേടുകയും ചെയ്തു. ഇതിനിടെയാണ് യുക്രെയ്ന്‍ ചിത്രം പിന്‍വലിച്ചത്.
